کد خبر ۶۴۱۱ انتشار : ۲۶ اسفند ۱۳۹۶ ساعت ۱۶:۰۱
شاہ سلمان کی بیٹی

فرانسیسی حکومت نے شاہ سلمان کی بیٹی کی گرفتاری کے وارنٹ جاری کر دئے

فرانسیسی حکومت نے سعودی عرب کے امریکہ نواز ڈکٹیٹر بادشاہ شاہ سلمان بن عبدالعزیز کی بیٹی کے وارنٹ گرفتاری جاری کردیئے۔

فرانسیسی خبر رساں ایجنسی کے مطابق، فرانسیسی حکومت نے سعودی عرب کے امریکہ نواز ڈکٹیٹر بادشاہ  شاہ سلمان بن عبدالعزیز کی بیٹی  کے وارنٹ گرفتاری جاری کردیئے سعودی بادشاہ کی بیٹی پر مزدور کو زدوکوب کا جرم ثابت ہوگیا ہے۔

اطلاعات کے مطابق چند سال قبل فرانس میں مقیم سعودی ڈکٹیٹر  شاہ سلمان کی  بیٹی حسا بنت سلمان نے اپنے محافظ کے ساتھ  ملکر ایک مزدور کو تشدد کا نشانہ بنایا تھا جس کی وجہ سے فرانس کی حکومت نے ان کے وارنٹ گرفتاری جاری کیے ہیں۔

ذرائع کے مطابق 2016 میں ایک مزدور کو مغربی پیرس کے علاقے آرک ڈی ٹرمف کے قریب ایونیو فورک میں سعودی عرب کے ڈکٹیٹر بادشاہ شاہ سلمان کی بیٹی کے اپارٹمنٹ کی تزئین و آرائش کا کام سونپا گیا لیکن اس پرالزام عائد کیا گیا کہ مزدور نے کام کے دوران کچھ کمروں کی تصاویر لیں جسے وہ میڈیا کو فروخت کرنا چاہتا تھا، مزدور کے اس عمل پر بادشاہ کی بیٹی حسا بنت سلمان نے اپنے محافظ  کے ساتھ ملکر مزدور کو زد وکوب کیا تھا۔

فرانسیسی پولیس نے محافظ کو واقعہ کے کچھ عرصے بعد ہی گرفتار کرلیا تھا لیکن سعودی ڈکٹیٹر بادشاہ کی بیٹی  حسا بنت سلمان کے  وارنٹ گرفتاری اب جاری کیے گئے ہیں، حالانکہ اس واقعہ کے بعد سعودی ڈکٹیٹر شاہ سلمان کی بیٹی  نے فرانس سے فرار ہوگئی تھا۔

۔۔۔۔۔۔۔۔۔۔۔۔۔۔

اخبار مرتبط :